Prigu invizível pa naturéza i pa saudí di pesoa óras ki ta trokadu garafa di vidru pá garafa di plástiku.

Óji txeu algén ta troka garafa di vidru pá di plástiku pamodi é mas faxi di usa i di transporta.

Má pá trás di ke-li, ben sukundidu, tá teni txeu prigu ki ka ta odjadu sima prubléma na saúdi di pesoas i prubléma na naturéza. Li nu ta ben odja alguns riskus i prublémas ki kel situason,  ki ta parsi ki ka ta fazi mal, pode provoka:

1) Poluison di meiu anbienti:
Garafa di plástiku é um di kes prinsipal fonti di Poluison di meiu anbienti. Alguns di kes Garafa óras ki usadu ta bai pá lixu ô pá mar i ta ben kontamina txon ô agu undi el sta pamodi plástiku ta liberta kímiku prigozu óras ki ta fika na es tenpú dimás. Kuandu ke-li ta kontise, plantas Ku animal ta sufri txeu. Ke-li ka ta kontise ku garafa di vidru.

2) Amiasa pa animal ki ta vivi na Mar:
Poluison di plástiku na mar é kada bês más txeu i garafa di plástiku ta ten un papel negativu na ke-li. Animal sima tartaruga, pasu di mar i pexis, óras ki es krê kumi, es ta konfundi plástiku ku kumida. ke-li ta provoka-L probléma na ses saúdi sima pankada, duénsa i pode provoka mórti di kes tipu di animal rei di importanti.

3) Ta Kaba ku kes kuza ki nu ta atxa na naturéza:
Timenti garafa di vidru algén pode usa otu bês i torna usa-l ô transforma-l na otu kusa, garafa di plástiku é diferenti. Óras ki bu krê transforma plástiku na otu kusa, bu dipendi di kusas ki bu ta atxa na naturéza sima konbustível. Modu ki ta tradu kel konbustível ta straga meiu anbienti i ta poi ménus kes kuantidadi limitadu di konbustível ki sta baixu téra na uns armazén natural. Pur isu, óras ki algén ta skodji garafa di vidru, El ta proteje kes armazén natural di téra i ta djuda ta rekupera meiu anbienti.

4) Produtus kímiku prigozu libertadu pa Téra:
Plástiku di garafa pode liberta produtus kímiku prigozu, prinsipalmenti óras ki temperatura ta fika kenti dimás. Es produtu kímiku sima bisfenol A (BPA) e ftalatos ta provoka txeu prubléma di saúdi, pur izénplu, kankru, probléma na hormonas i óras ki fetu ta kria. Usa garafa di plástiku pa bebe líkidu razulta na más txeu produtu kímiku prigozu spadjadu pa téra ki ta prejudika saúdi di pesoas. Pur isu, garafa di vidru é midjór opson pa saúdi i pa meiu anbienti.

Sikrê garafa di plástiku ten ses kusas puzitivu, se uso ka limitadu ta provoka prigu pa meiu anbiente i prubléma pa saúde. Skodji garafa di vidru é un bon opson, ka é só pamodi bu sabi ke-li, má un medida ki ta proteji nós planeta i kuida di saúdi di algén gósi i na futuro.